Dawaa ab na dijiye ki dard behissab hai
Dua bhi apno ki lagti jaise koi azaab hai.
Yun na humko dekhiiye ki chehra ek kitaab hai
Nazrein bol padengi, faqat ashkon ka naqaab hai.
Is dil me na jagaiye zhoothe ab armaan koi
Ki toot jana hai ek din jo bhi haseen khwaab hai.
Khudaara na rakhiye humse yun to ummed-e-vafaa
Parayi aag me khud ko jalana, ye kahan ka sawaab hai.
Humse ab na puchiye sawaal aur nayaa koi
Ki zindagi ke har sawaal ka ek qazaa jawaab hai .
Dawaa ab na dijiye ki dard behissab hai
Dua bhi na kijiye ki ye marz lailaaz hai.
No comments:
Post a Comment